860DKX

一台 16 年的車 , 行了32萬公里 , 走過無數平路 , 砂路 及 高低不平的山路 , 今天終於轉讓給了一位新主人 , 細路在澳洲和你穿越 Bundeberg 至 Canberra 的路 , 共開了 3,500 公里

雖然不是跟你環澳 , 但我已經心滿意足了 , 由一開始付錢後我就望住你 , 呢架老友記是否可以的 , 你的回應是 '' 當然啦 '' , 我就戰戰兢兢開引擎 , 我和你就由第一公里開始了 , 沿路上沒有生病 , 順利地 3個月走完數千公里 , 在此 , 感謝 , 雖然跟你換器官都不便宜 : ) 


很多時走錯路你都沒有發脾氣 , 安安靜靜找回正確的路走


之前有一位看車的路人 , 出錢低 , 又 MK , 見他的駕駛態度差 , 我堅決不賣給他 , 因為要為你搵一個好的主人 


希望有機會再見 , 860DKX , 一路順風

磨菇工廠 ... 最辛苦的一天

做磨菇工廠 , 當然想緊係好容易啦 , 無難度 ... 事實並不如此

試工的工作是幫磨菇澆水 , 不是一般的澆水 , 出面有一個大大的水箱 , 要入 500 ml 水入去 , 再用 '' 積車 '' 拿起 , 推到所到的室內磨菇場 , 拿着長長的澆水器 , 有 6 層 , 分 4 邊澆水 , 大約有 1 層樓高 , 最高那層手要舉到最高點 , 有點累的

跟着就到採磨菇 , 未採過會以為好好玩 , 我由下午 3 點開始 , 採到晚上 12 點 , 賺到的只有 AU$20 , 錢少工作時間超長 , 屋租都不夠交 , 難道在於你要做下列步驟 :

1) 分磨菇大細 , 共 4 個碼 + 次品

2) 每箱要 4.4 kgs , 每箱只有 AU$4.95 , 少到媽媽都不應得

3) 將箱拿去雪房放半小時 , 再蓋箱頂

4) 那你採的時候肯定不會是 4.4 kgs , 多出的什麼辨 ? 麻煩你入去再採到 4.4 kgs , 真是無限金手指 , 做到通銷都未做完

10月1日不會忘記的一天 , 我工作以來最辛苦的一日 , 老闆說要清場 , 咩係清場 ? 就係將所有壞死的磨菇連水及泥地拿起 , 推到下面的大箱 , 每包重 40 LBS , 共 6 層 , 約 300 包 , 內有大量蒼蠅 , 再要掃走地下的泥 , 咩體力都用盡了 , 做了半日我不做了 ... 放棄

感謝老友記 , 1,100 公里

3天走了 1,100 公里 , 靠的只有電話  GPS和一個信心 , 好多時開車時會想老友記會唔會頂得住 , 識不識路行 。

原來今天經歷才是最深的體險 , 走過大風大雨的道路  , 走過高低不平的泥路 , 走過深深的水道 同埋陰深恐怖的路 , 我地通通都行過了

今天老友記要好好休息 , good night !

 

我與老友記

在 9/25 , 終於付回最後的 $300 , 帶了我的老友記由黃金海岸去回布里斯本 , 雖然不是第一次在澳洲揸車 , 但發覺自己是很容易迷路 . 我第一次走高速公路就揸左去反方向 , 真係有點驚 , 冷靜過後只要找回下一個出口再找回對面線就可以了 , 一樣可以到達到的目 , 不過時間及油費多 D

下圖就係我的老友記

今天剛從布里斯本揸到 Coffs Habour , 早上和我的同房說再見 , 記得我第一次住此 sharehouse 的時間 , 佢第一個問題係問我係唔係 gay ............. 搞笑 , 4 小時的車程 , 只揸了 400 kms ...

同埋老友記下次檢查日子就係我出身日子 , 十分巧合

揸長途車實在很累 , 不斷要看路面狀況及地圖 , 因澳洲很多路要修理 , 車速常變 , 所以要配服各長途車大佬 

走到呢一步 , 好多野估不到自己做到 , 同外國人買車 , 住不同的屋了 , 煮到食得落的菜 , 原來試下試下 , 又行下行下 , 敢就過下過下 ...

Coffs habours 的相片

YHA 景色

天與地

漁船

大大石頭

再見 , Boring town ( Bordetown )

經過了 3 個月的剪枝 , 終於明天要結束了 , 每天中午都是食 Jam + 麵包 , 差不多變了麵包超人 .

星期六出回去 Adelaide , 下星期二飛返去 Brisbane .

Brisbane 其實是第一天我已到了的城市 , 但完全沒有停留過 , 看看這個城市有甚麼特別吧

冬天阿婆慢慢遠離 , 春天阿伯漸漸接近 , 代表天氣變暖了 .

趣聞 :

1) 今天剪枝的時侯俾隻雀攻擊 ... 剪剪下點解會聽到上面有拍拍下的聲音 , 望望下唔對路 , 係敢飛過來 , 可能我似隻麻雀 ,  來打返 4 圈 ...

2) 鄰家隻狗都唔知邊度走過來 , 裝水時候點解我隻手感覺濕濕地 , 向後面望一望 , 隻黑狗係我旁邊 ... 有時重自己入黎偷食 , 真係知地方

3) 旁邊的朋友原來都是住東涌 ...

為何食雙拼飯要加 $ - 原來錢作怪

其實在平時生活上我們都跟經濟理論息息相關 , 看看下列內容就知 :

1)為何凍飲要加 $

www.youtube.com/watch?v=EOdfVs6xa5Y

2)為何食雙拼飯要加 $

http://www.youtube.com/watch?v=B0VPeoAJDK4

3) 沈沒成­本

http://www.youtube.com/watch?v=GVVFgxKlY74

4) 合理化煙幕`

http://www.youtube.com/watch?v=lqdC5JNUvgE&playnext=1&list=PL96ED68A1EE339CB4&feature=results_video

學多 D , 睇多 D

詳細內容看呢度

http://programme.rthk.org.hk/rthk/tv/programme.php?name=money&p=4860&m=archive&page=1&item=100

終生讓路

在古時 , 有一位年輕人正在想過橋時候 , 看到對面有位老婆婆都是過橋 , 那年經人就讓她過先 ,      

然後又看到有位男士推着木頭車過橋 , 年輕人再讓他過啦 , 之後又看到有遊人過橋 , 年輕人今次不讓了 , 導致遊人與年輕人在橋中相縫 , 互不相讓 , 由天光嘈到天黑 , 浪費了無數的時間 .

其實 , 終生讓路 , 人一生最多只是幾百步 , 所以 , 讓他先行 , 有何不可呢 ! 

係時侯

不經不覺做了2個月剪枝 , 手部發出了警號 , 是時候退下來了 , 下一步先會回 Adeladies , 想緊是否一定要買玩具車 , 養不養得起部車 , 考慮考慮中 ...

由於藍莓的工作要到 9 月份才開始 , 8 月份去邊度同做咩好 , 都係去先搵中介吧 , 無工作就去 mel

帶着未知的心情出發 , 行一條從未走過的路 , 會遇到包公 , 動感超人定係魔鬼 , 天曉得 ! 帶着＂勇＂的衫出發

自助餐

你們食自助餐的時候 , 不知道是否每種食物都試下 , 甜酸苦辣 , 當食到不好食的食物時 , 會否立即埋單走人?

人生也是如此 , 當心情不好或遇到困難時 , 就不要看到世界未日一樣 , 對自己說只是正在食苦的味道 , 甚麼味道都要試下 , 這才是人生吧 ~~~

打牌

係人生旅程裹面 , 當我地遇到困難時侯 , 我地總係係到抱怨 , 無辦法啦, 邊個叫我運氣唔好

係人生旅程裹面 , 當我地希望落空時侯 , 我地總係係到慨嘆 , 真倒楣 , 邊個叫我時運不濟

我地總係覺得我地拿到的總是不好的牌 , 但係令到我地遭遇不係的 , 是上天指意 , 定係自己想法

想信自己無能為力, 我地就真係無能為力 , 想信自己能夠改變現狀, 我地就真係能夠改變現狀

其實無咩真係叫運氣唔好 , 無咩真係叫時運不濟

可能現在難關就係未來希望 , 只不過係時間及角度問題

人生就好似玩啤牌一樣 , 上天發俾我地牌係天生注定 , 但係點樣玩手中的牌 , 就係我地自己決定

此處不留人，自有留人處

在Naracoorte 差不多留了一個月，工作時間不穩定，有時by hr 及 by contract ，這裡見盡人生百態，一個人在外地，當然希望得到自己人幫助，對不起，我看到不是這樣。

台灣人用盡辦法騙自己人，抽他們的工資、房租、車費，請他們來說by hr ， 來到說是by contract ，因新手關係，by contract 的工資往往比by hr 少一半以上，還要抽他們的少少錢。

昨天我都是剪by contract，我剪完佢過來看，她要求是＂精品樹＂，我聽後都大笑，外人都無要求這麼高，她拿着自己少少的權力去做這些事，覺得很悽涼，對外人笑笑口，對自己人就黑面，人是否要這樣？

下星期2去下一站，bordertown，離這裡1小時車程，做另一份剪枝工作，看看又會遇到咩人先！

人生的第一次

從Adeladies 坐了5個小時巴士到了Noracoorte 的小鎮，開始我在澳洲的第一份工作，這是將酒葡萄舊枝剪下，在5：00am起身，7：00am開始工作，4：30pm收工，不斷用手拿着剪刀工作，十分考驗體能，雙手會很累及痛，感覺不是自己的。

這裡開始了我的煮餸生活，多得各位導師的教導，由只會識煮麵，到現在識咖喱牛肉，炒飯，醬爆肉（雖然都是簡單餸），但起碼不會餓死。

農場沒有洗手間，所以都是就地正發，間唔中會見到袋鼠跳黎跳去，自由自在，也試過在油站自己加油，因油站是沒有人服務的。

在澳洲會留幾耐暫不知道，見步行步，我都想唔到會到農場工作，人生就是這麼奇怪。

細細個我們跌倒就會自己爬返起身，大個都要這樣呀！

沙爹牛肉飯

沙爹+牛肉+飯 , 實在是奇妙的配搭，離開了Alice springs , 來到了Adelaide , 在YHA 後面正正是唐人街 , 見返了很多中國人 , 真是從心笑出來 （可能見得土著多)

呢度實在是我的飯堂 , 搵了一間餐廳坐低 , 睇睇餐牌 , wa~~~~，一碟碟頭飯要HK$60-70 , 但一定要一試, 叫了＂沙爹牛肉飯" , 一入口不可用言語說出來，因為不是旅行節目，但真是好好好食，食完此餐又要上路了

沒有工作的日子

來了這裡1星期 , 仍然未找到工作 , 內心的恐懼不斷擁現出來 , 開始迷失了自己 , 原來做一個背包客不是我想像中那麼易 , 可能我之前想得太簡單吧.

Alice springs 是一個細細的城市 , 在網上看到這裡有很多工作 , 但來到才知道不是 ( 心息吧 ) , 有可能是經濟轉差吧 , 所以下星期都會離開此地, 去下一個目的地

此地 99% 用 wifi 都要俾錢的  , 除了 casino hotel , 真是我的福地

銀行 A/C 已搞惦 , 差稅號信未拿到 , 希望下星期都搞惦吧

感謝各位在各時間和我吹水的人 , 沒有你們, 我未必頂到今天  , 多謝晒 : )

一條友來到此地真的不容易 ... 歎一口氣 , 繼續努力吧 !

理想和現實

理想和現實往往是不一樣，未來時候以為很容易找工作，搵到第一桶金返香港，剛到步時候真是想立即返香港，我也不知道原因，覺得呢度好恐怖，和香港完全不一樣

現在每日3餐都是靠自己，去超市買餸，煮及洗碗，和以前的生活完全不一樣，我有時都會問自己為何過來？

找工作與我想象都是2個世界,星期日開始每間鋪都入去問問有沒有工作，但99%回應是＂沒有＂，大大話話我都問過超過50間，拒絕是否難受？不是，因為我相信最好的東西留在最後.

我會盡量試，試到我應該唔得就回來吧

飛呀飛

由香港飛住吉隆坡只需3小時 , 到步後要等6小時才能飛往黃金海岸 , 感覺真是難頂 ( 平野就係敢 ) , 好處係呢班機無咩人搭 , 我一條友坐晒3個位 , 剛抵步時候覺得機場十分熱 , 但坐了1-2小時後已感到寒冷的感覺 , 真係唔認老都唔得 , 好彩俾我搵度呢度 ( 完全係無冷氣 ) , 否則已凍死

再由吉隆坡往黃金海岸需時7小時30分 , 真係飛到人都乾 , 到步後拿行李及過關都要1小時 , 出到去後就搭30分鍾巴士到 Varsity Lakes 地方 , 再轉 1小時火車到 Brisbane 機場等明天飛機去 Alice Spring , 3小時左右機程就到啦 , 不過要係機場坐足一晚 , 坐到人都傻

澳洲食野真係超貴 , 起埋 AU$8-12一餐… 真係燃燒生命 , oh my god

** 好心國際機場唔好限人上網時間啦 , 用多少少都唔會死啦 **

軟飯號, 起航

經過 4 個月的計劃及糧草預備 , 軟飯號終於在 5月10號起航了 , 會遇到甚麼問題 , 能否找到工作 , 認識到咩朋友 , 下回分解吧  ! 但下列船員已準備好了 :

458 : 船長 , 一切事務都靠晒你啦

912 : 主要攻擊大炮 , 食粥食飯定係食沙 ............. 到時就知

550 , 552 : 左右炮兵 , 要盡量與船長配合 , 提供一個合理攻擊點

684 : 現在還是潛水彈 , 要盡快上水

** 留意的船員名單有 : 52 , 623 , 84 , 1882 ** , 有錢就會加入你們

--------------------------------------------------------------

感謝各位朋友多年來的幫助 , 下列歌曲是我的心聲 :

朋友　    一生一起走　那些日子　不再有
一句話　一輩子　一生情　一杯酒

去 WHV 約所需的費用 , 看下表 :

ITEM	HKD
Air ticket	2103
Air ticket ( domestic )	1672
Youth hostel card	130
AU visa	2230
Body check	380
Notebook	3180
Luggage	600
Glasses	2800
Hostel	898
背包	200
睡袋	220
電插	54
cap	25
保險	3383
windstopper jacket	823
short pants	340
shoes	670
Total:	19708

** 土著女女 , 我黎啦 **

人生不設限 , 成功無上限

是有關小鷹最重要的一天 , 牠們準備要離巢單飛

小鷹問 : 我能飛多遠 ?

老鷹答 : 你能看多遠 ?

小鷹問 : 我能飛多高 ?

老鷹答 : 你能展翅多寬 ?

小鷹問 : 我能飛多久 ?

老鷹答 : 地平線有多遠 ?

小鷹問 : 我能有多少成就 ?

老鷹答 : 你有多少信念 ?

小鷹對這個對話遊戲感到不耐 , 帶著質問的口氣說 : 你為什麼不回答我的問題 ?

老鷹 : 我有啊

小鷹 : 是有 , 但你用問題來答

老鷹 : 我盡我所能地回答你的問題了

小鷹 : 不過你是大老鷹 , 你應該什麼事都知道 , 如果連你都不能回答這些問題 , 又有誰能回答 ?

老鷹 : 你

小鷹 : 我 ? 怎麼可能 ?

老鷹 : 沒有人能告訴你飛多高或成就多少 , 每隻鷹的答案都不一樣 , 只有你自己能決定

小鷹很困惑 , 又問 : 我該怎麼辦 ?

老鷹望了望天空回答道 : 望著地平線 , 展開雙翅 , 飛吧 !

嘆氣是最浪費時間的事 ; 哭泣是最浪費力氣的行徑

懂得放下心中的不可能 , 才能釋放生命中的無限可能

記得一位中學教師對我說 : 未試過點知自己唔得 ? 到最後就算唔得 , 都對自己有交代了

神的指示 .... 炎王號

今日跟以住去廣州做法一樣 , 都是在深圳搭動車上廣州 .

但回來時就不一樣了 , 接到了神的告知 , 可以乘搭炎王號 ( 高鐵 ) 從廣州南往深圳北

先附數張相片看看環境先

在準備乘炎王號的乘客都十分緊張  , 流汗中 ...

在踏進了炎皇號後 , 不需一會兒 , 以時速 350km / hr 向地底進發 , 轉頭我就見到炎王 :

炎王 : 你黎呢度做咩 ?

我 : 無 , 黎同你吹下水 .

炎王 : 你係咪搭錯車 , 呢架唔係軟飯號

我 : 係咩 , 下次會睇清楚

...... 因搭錯車關係 , 架車是識停的 ....... 神的指示 : )

---------------------------------------------------------------

如想搭高鐵 , 可在福田口岸搭地鐵在深圳北站下車 , 行幾步路就到高鐵站 , 到了廣州南 , 都有地鐵去返市中心的 , 不彷一試 .

所需時間 :

福田口岸搭地鐵往深圳北站 : 20-30 mintues

深圳北站 > 廣州南 : 30 minutes

廣州南搭地鐵往市中心 : 30 mintues

whatapps , Line 及 viber 的 AU 電話號碼轉法

加入細路AU電話放法 :
+61後，你要把“0”減去
例如，澳洲手機電話是 0412345678
要改為+61 412345678
這樣就可以了！

這樣 whatapps , line , viber 都能夠聯絡了

--------------------------------------------------------

到後才能給回AU 號碼各位

開壇作法

2012-4-16

敢多年次後你重記個次迷路情況 , 正正因為個次經驗 , 你先至發現左係你一向習慣之路之後 , 原來重有另一條路

如今想起當時迷路驚慌 , 以經霧糊 , 而你最印象深刻的 , 反已係睇見另一片風影時驚喜 , 如今在十字路口陪迴的你 , 都要容許自己偶爾迷路可能 , 並且為自己儲備迷路時勇氣 , 因為敢樣 , 你先會可以發掘出不同天地 , 已講唔定 , 可能係你人生成長及人生的轉捩點 .

------------------------------------------------------------------------

5/10 將會是出發的AU日子 , 去到甚麼都是靠自己 , 不知道是否應付得來及很多未知數 , 但可能正正是此迷路 , 是我人生成長及人生的轉捩點 , Aal izz well